Sot Union Bank ka rreth 350 punonjës në të gjithë Shqipërinë. Menaxhimi i Bankës i kushton rëndësi të veçantë krijimit të një ambjenti ku opinionet e punonjësve inkurajohen dhe vlerësohen. Ne jemi krenarë për raportet kolegiale dhe atmosferën në punë që kemi dhe kërkojmë që t’i përmirësojmë vazhdimisht ato.
Menaxhimi ka identifikuar nevojën për punësimin e një Specialisti ne Departamentin e Administrimit te Kredise, ne Drejtorine e Pergjithshme ne Tirane. Ftohen aplikime nga kandidatë të përshtatshëm për këtë pozicion.
Specialist ne Departamentin e Administrimit te Kredise
Qellimi i pergjithshem i punes eshte: Përgjegjës për përgatitjen në kohë dhe saktësinë e dokumentave të kredive, për disbursimin në kohë dhe saktësinë e të dhënave të regjistruara në sistemin e bankës për kreditë e dhëna sipas produkteve kreditore të centralizuara në përputhje me vendimet e Komitetit të Kredisë.
Pergjegjesite Kryesore:
- Përgatit dokumentacionin e nevojshëm që lidhet me marrëveshjen e kredisë (kontrata dhe/ose dokumenta të tjera që lidhen me marrëveshjen midis bankës dhe kredimarrësve) në përputhje me vendimet për aprovimin e kredive, udhëzimet dhe rregulloret e Bankës
- Regjistron në sistemin e Bankës të dhënat financiare dhe të dhëna të tjera të rëndësishme që kanë të bëjnë me transaksionet e produkteve të kredise në perputhje me vendimet e autoritetit miratues, kushtet e kontratës dhe produktit të kredisë.
- Kryen njoftimet për sigurimet e kolateraleve pranë kompanive të sigurimit me të cilat banka ka marrëdhënie bashkëpunimi dhe mban korrespondencën me to në lidhje me sigurimet e kolateraleve të kredive sipas proçedurave ne fuqi.
- Kryen regjistrimet e nevojshme në sistemin e bankës në lidhje me pagesat e kredive, primet e sigurimeve, pagesat për vlerësimet e kolateralit etj. në perputhje me proçedurat dhe rregullat e bankës.
- Kryen plotësimin e formularëve dhe regjistrimet e nevojshme në Regjistrin e Barrëve Siguruese për kolateralet pasuri të luajtshme. Mban korrespondencë të rregullt me zyrën e R.B.S në lidhje me regjistrimet (dhe çregjistrime) e kolateraleve.
- Kryen në sistemin e bankës pagesat dhe veprimet që lidhen me proçesin e Regjistrimit të Barrëve Siguruese në përputhje me proçedurat dhe rregullat e bankës.
- Përgatit dokumentacionin e kredive dhe të dhënat nga sistemi i bankës për rastet e kredive që kalojnë në ndjekje ligjore sipas kërkesave të Njësisë Ligjore të bankës dhe proçedurave në fuqi si dhe dokumentacionin e nevojshëm për të kryer pagesat në lidhje me kreditë në proçes ndjekjeje ligjore.
- Kryen kërkimet në Regjistrin e Kredive të Bankës së Shqipërisë sipas proçedurave dhe rregullave në fuqi.
- Kontrollon dhe udhëzon stafin e degëve të bankës në lidhje përgatitjen e dokumentacionit të nevojshëm dhe në lidhje me transaksionet e produkteve të kredisë që proçesohen në degë.
- Gjeneron dhe përpunon raporte në lidhje me kreditë, sigurimet, kolateralet etj. bazuar në të dhënat e ruajtuara në sistemin e bankës. (raportet përfshijnë ndjekjen e pagesave të detyrimeve nga kredimarrësit, ndjekjen e pagesave të primeve të sigurimit, ndjkjen e pagesave për regjistrimin e kolateralve, ndjekja e ecurisë së proçesit kredidhënës nëpermjet raporteve për menaxhimin e bankës, etj.)
- Kryen detyra të tjera që i caktohen nga drejtori i departamentit në lidhje me proçesin e administrimit të kredive.
Kualifikimet/Eksperienca e kerkuar:
- Diplomë e Fakultetit Ekonomik ose Juridik, mesatare mbi 8.
- Eksperience pune jo më pak se 1 vit në fushen e Administrimit të Kredisë ose në struktura të tjera të ngjashme.
Aftesi te tjera:
- Njohuri të produkteve kreditore dhe të sistemeve të përfshira në to, njohje të kontratave të kredisë dhe dokumentave të tjerë të ciklit kreditor, njohje të kolateraleve.
- Aftësi te mira prezantimi me gojë dhe shkrim.
- Njohuri mjaft të mira të programeve bazë MS Office si dhe të aplikacioneve financiare dhe raportuese të tjera të përdorura në Bankë.
Personat e interesuar duhet të dërgojnë brenda datës 13 Janar 2017:
- CV
- Letër “Shprehje Interesi” për Pozicionin
- Diplome dhe liste notash
- Letra reference nga punedhenes te meparshem
në njërën nga adresat e mëposhtme:
Union Bank
Blv. Zogu I, përballë stacionit të trenit
Tiranë
E-mail: hr@unionbank.al
Vetëm kandidatët e përzgjedhur për testim/ intervistë do të kontaktohen.
Union Bank sh.a. deklaron se i përpunon të dhënat personale të aplikanteve mbështetur në Ligjin Nr. 9887, datë 10.3.2008, “Për mbrojtjen e të dhënave personale” dhe Udhëzimin Nr.42 datë 22.07.2014 “Për përpunimin e të dhënave personale të kandidatëve për punë”. Të dhënat personale të aplikanteve janë kryesisht të dhënat e deklaruara nga ata vetë në CV-ve të tyre, gjithashtu dhe të dhënat e marra nga dokumentet e tjera të paraqitura nga ata.
Union Bank sh.a. ka marrë masat organizative dhe teknike të nevojshme me qëllim për të garantuar sigurinë e të dhënave personale që përpunon. Vetëm personeli i autorizuar ka akses në të dhënat personale që përpunon Union Bank sh.a. dhe ky personel ka për detyre të ruajë konfidencialitetin e të dhënave sensitive.
Individët që aplikojnë pranë Union Bank sh.a. pranojnë dhe janë në dijeni se të dhënat e tyre personale do të përpunohen siç përshkruhet me sipër.
Aplikantët kanë të drejtë të kërkojnë korrigjimin ose fshirjen e të dhënave personale të tyre. Për të ushtruar këtë të drejtë ata duhet të kontaktojnë në hr@unionbank.al.
Apliko