PDA

View Full Version : Ç’punësimi i kompanive të punësimit…



Elton ILIRJANI
16.05.2012, 22:38
Këtë shkrim jua kushtoj të pushuarëve/pushuarave nga puna pa shkak:

Na ishte një herë Kësulëkuqja, dy shoqet e saj, ujku dhe gjyshja…Kësulëkuqja jonë ishte koprace dhe në shportë mbante vetëm syzet e diellit dhe faturat e printuara (të çdo muaji) të telefonit të dy shoqeve të saj, të cilat i lexonte çdo natë me vëmendje se mos vallë shoqet e saj dhe sidomos ajo më e “keqja” flisnin me njëra tjetrën pa dijeninë e saj…Dhe kështu Kësulëkuqja jonë ishte tepër e lodhur kur nisej rrugës për te gjyshja…madje pretendonte se gjithmonë harronte t’i bënte dhurata gjyshes…ishte një Kësulëkuqe “punëtore” por kishte një problem me kujtesën…harronte edhe emrin e vet…Shoqja e “keqe” që e kuptoi lojën e Kësulëkuqes sonë u largua…dhe Kësulëkuqja u gëzua, madje e bisedoi gjerë e gjatë me Kësulëkafen, miken e saj më të mirë…dhe doli në perfundim: Ti mbante numrin e telefonit shoqes së “keqe”, madje edhe aparatin që ishte më i vjetër se gjyshja e saj…kështu ajo do të mund të vidhte kontaktet dhe të bëhej e pasur…dhe të shkonte te gjyshja e saj me një faturë telefoni më pak, sepse gjithmonë do harronte ti bënte dhurata gjyshes…

Një ditë Kësulëkuqja jonë u bë “trime” dhe e “përzuri” shoqen e dytë nga rrugëtimi i saj…ajo vendosi të ecë vetë…por këtë herë harroi edhe gjyshen edhe rrugën…Kësulëkuqja jonë është me shumë fytyra…një për çdo mëngjes…madje ka harruar edhe veten dhe tashmë nuk e njeh më…edhe pse ja kujtojnë si gjyshja si ujku çdo ditë kur kalon para tyre me gishtat në hundën e saj “pa nuhatje”…

Kushtuar mikes sime më të mirë të pushuar nga puna padrejtësisht vetëm dhe vetëm se “Kësulëkuqja” e saj donte të hakmerrej…Është e tmerrshme se si ka përfunduar tregu i punësimit në Shqipëri…në duart e kujt ka përfunduar…në duar “momesh” që vjellin vrer dhe paaftësi gjithë rrugëtimit të tyre…Kompani punësimi që ç’punësojnë çdo vit nga një punonjës mesatarisht...Sa bukur të jesh Shqiptar mes Shqiptaresh të tilla…Mrekulli!

Kushtuar gjithë të rinjve dhe të rejave, gjithë të pushuarve nga puna për tekat e dikujt qe sheh xhepin e vet dhe madje shkon edhe më larg se kaq…

Kompani Punësimi që ç’punësojnë çdo vit nga një punonjës kur maksimumi që kanë arritur gjatë viteve të harresës është më shumë se një dhe më pak se dy persona në “stafet” e tyre…

Besim te Kësulëkuqet?!

Ç’punësojnë të tyret, dhe pretendojnë të punësojnë për të tjerët….

Për tek diskutimet mbi këtë tematikë klikoni http://www.njoftime.com/images/misc/linkedin.gif (http://lnkd.in/B_Hr2w)